E si mund t’i mungonte kësaj liste artisti The Wekknd?! “Out of time” titullohet projekti i tij më i ri i cili së fundmi është përfunduar dhe me videoklipin zyrtar pas tre muajsh kur e kemi dëgjuar vetëm në versionin audio. Dhe për këtë duhet thënë që The Weeknd nuk zhgënjen kurrë.
Alicia Keys nga ana tjetër na prezanton me “City of Gods, Part II”. Nëse ju pëlqen më shumë ky version apo ai me Kanye West dhe Fivio Foreihn, zgjidheni vetë…
John Legend vjen me “Free”, me të cilën performoi dhe në ceremoninë e ndarjes së çmimeve “Grammy”, pak para se presidenti i Ukrainës, Volodomyr Zelensky, të jepte një mesazh të ndjerë në këto ditë të tmerrshme lufte që populli i tij po përjeton. Le të kthehemi pak në kohët e arta të Kris Kross me “Jump”. E dimë që ju sjell nostalgji.
E si të mos mjaftonte kjo, na bashkangjitet këtë javë një nga artistët më të talentuar dhe legjendar në botë, Adriano Celentano. Fansat e muzikës italiane, por jo vetëm, do të lumturohen për këtë. Gjithashtu Shania Twain me “Man! I feel like a woman” do të kemi mundësinë ta dëgjojmë e ta ridëgjojmë kësaj jave.