Red Hot Chili Peppers kthehen për të na sjellë një copëz të albumit të tyre të ri, “Return of the Dream Canteen”. “Tippa My Tongue” titullohet projekti i tyre më i fundit i publikuar vetëm pak ditë më parë që vjen në vëmendjen e kësaj playlist-e.
E dini se kush është armiku më i madh i juaji? Epo, pikërisht vetja juaj. Këtë na e thotë dhe Ruel në “You Against Yourself”. Tani le të ndalemi pak te këngët e preferuara të ‘old school-save’. E kush mund ta përfaqësonte më mirë se Ben E. King me “Stand By Me”, natyrisht edhe i preferuari ynë. Seç ka diçka të veçantë që nuk mund ta përshkruash dot me fjalë këtë këngë…
Për të kaluar më pas te adhuruesit e agjentit 007, James Bond. Për ju vjen “No Time To Die” nga Billie Eilish, këngë që e kapultoi edhe më artisten. Nga ana tjetër kemi “Señorita”, hitin e verës 2019 nga Shawn Mendes dhe Camila Cabello, që më pas u bënë dhe një nga çiftet më të pëlqyera të publikut.