Ju kujtohen grupi The Dreams? Fundja kush mund t’i harrojë ata. Epo këtë javë po ju rikthejmë edhe njëherë në vëmendje një prej këngëve të tyre, “Festa”. Për herë të parë për këtë javë do të kemi një fokus tek këngët greke. Është artisti Pantelis Pantelidis ai i cili vjen me dy nga këngët e tij. Jemi të sigurtë që adhuruesit e muzikës greke do të lumturohen me këtë.
Nga ana tjetër kemi një nga këngët hit të vitit 2008 dhe të Rihanna-s, “Live Your Life” në bashkëpunim me T.I. Frank Ocean është një tjetër artist përveç Pantelis Pantelidis, i cili vjen gjithashtu me dy projekte në këtë listë. Janë “Ivy” dhe “Moon River” ato që kemi përzgjedhur për ju.
Çfarë mund të veçonim në listën e kësaj jave do të ishte Rihanna me “Kiss it better” apo grupi kaq i preferuar për publikun Coldplay me “What if”. Gjithashtu The Weeknd me “Die for you”… Tashmë e dimë që ai është një dhe i vetmi dhe çdo këngë e tij kthehet në hit.