Mirëpresim një hit 22-vjeçar në listën e kësaj jave. Ishte viti 2000 kur Robbie Williams publikoi “Eternity”, pjesë e albumit të tij “Sing When You’re Winning”. Teksti i “Eternity” u shkrua në nder të miqësisë së ngushtë të Williams me këngëtaren dhe kompozitoren Geri Halliwell.
Harry Styles vjen në vëmendje këtë javë me “Only Angel”, një këngë që ka bërë të komentohet gjatë për faktin se mund të jetë krijuar dedikuar një ish-partnereje të artistit. Megjithatë një këngëtar si Harry Styles nuk mund të vinte dot në këtë listë me vetëm një hit. “Only Angel” i bashkohet “Music For a Sushi Restaurant”.
Më mirë vonë se kurrë… Një këngë e fuqishme, si për nga mesazhi ashtu edhe nga zëri potent i këngëtares vjen këtë herë në “Timeless Playlist”. E kush mund të ishte tjetër veçse Sia me “Unstoppable”? Adele rikthen vëmendjen në hitet e saj të disa viteve më parë me “Million Years Ago”, që për ata që nuk e dinin ka të bëjë me atë se si fama ka ndikuar personalisht tek ajo dhe të gjithë rreth saj…