Teksa lamë pas një javë të ‘zymtë’, përzgjedhja jonë muzikore për këtë javë, nuk do t’ju zhgënjejë. Jeni kuriozë?
Vjen në listën e përzgjedhur të kësaj jave në Timeless Playlist, ai… ‘i pavdekshmi’ Vasco Rossi. Një ndër legjendat e muzikës më të mirë italiane vjen këtë herë me hitin “L’amore l’amore”.
Nga ana tjetër, kemi dhe një përfaqësues të muzikës moderne italiane. E kemi fjalën për Irama. Artisti na sjell dhe njëherë tjetër ndër mend hitin e vitit 2019, “Arrogante”. Për ne, mund të cilësohet si një ndër më të mirët e tij. Por mund ta gjykoni vetë…
Gjithashtu një ndër artistët më në zë të momentit nuk kishte si të mungonte. Harry Styles vazhdon të korrë një sukses të padiskutueshëm me “As it was”, që tashmë është bërë virale kudo. Një projekt që arriti të kthehet në një hit në një kohë fare të shkurtër, mbetet tek ndër më të preferuarit e të gjithë publikut.
