Në playlist-ën e hiteve më të mira që nuk njohin kohë, këtë javë vjen Supernova, grupi i cili korri sukses vite më parë dhe që mund t’i mbajmë mend fare mirë nga Top Fest. Supernova vjen në këtë listë me “S’ka problem” nga Top Fest 3 dhe “S’dua të tjerë” nga Top Fest 4.
Gjithashtu Thirty Seconds to Mars na sjell në kujtesë një nga hitet që na bën ta dëgjojmë e ta ridëgjojmë herë pas here, “Rescue Me”. Që ne ‘vdesim’ për pak ritme latine, kjo gjë dihet tashmë. Nisur nga kjo ne kemi menduar të sjellim për ju “Gracias”, që është publikuar së fundmi, si dhe “Soy Capaz”. Meqë dhe festat po afrohen, nuk kishte si të mungonte dhe një këngë tipike Krishtlindjeje dhe kjo është “Time After Time” nga Mabel.
Më në fund është publikuar gjithashtu dhe “Be Alive” nga Beyonce, një projekt kaq i shumëpritur nga fansat e këngëtares, por jo vetëm, nga filmi “King Richard”. Ndër artistë të tjerë që vlen të përmenden janë dhe grupi i famshëm Nirvana me “Come As You Are”, The doors ft. Snoop Dogg me “Riders on the Storm”, si dhe Kylie Minogue & Gloria Gaynor me “Can’t Stop Writing Songs About You”.
