Playlist-a e këngëve më të mira që nuk njohin kohë e as moshë, rikthehet përsëri këtë javë me përzgjedhjen më të duhur për dëgjuesit tanë besnikë. Kjo javë e re sjell në vëmendje një nga artistët italianë më të mirë të kohës. Është fjala për Aiello, i cili këtë herë vjen me projektin e tij “Certe lune”.
Kësaj liste nuk mund t’i mungonte Kylie Minogue. Së fundmi ajo ka ardhur në një bashkëpinim me Jessie Ware, duke sjellë kështu “Kiss of Life”. Nëse vëmë re Kylie Minogue po del nga hija që kishte zënë dhe madje kohët e fundit është bërëdhe pjesë e playlist-ave të Top Albania Radio-s.
Për të gjithë të apasionuarit pas muzikës nostalgjike dhe melankolike, por me një ndërthurje të modernes, vjen Alicia Keys, këngëtarja që e përfaqëson më së mirë këtë frymë. Një tjetër artist që vihet në qendër të kësaj jave është James Blunt. Edhe pse “Unstoppable” është një projekt shumë i mirë, duket se këngëtarin do ta kujtojmë gjithnjë me hitin e tij të paharrueshëm “You’re beautiful”.
Këto e më shumë artistë dhe hite të tjera që do t’ju ngelin gjatë në kujtesë, mund t’i gjeni vetëm në “Timeless Playlist”.
