Në playlist-ën e hiteve më të mira që nuk njohin kohë, këtë javë vjen Ed Sheeran, jo me një por me dy hite të tij. Bëhet fjalë për “Bad Habits” dhe “Shivers”, të cilat i ka kënduar live në Centre Pompidou, Paris. A nuk ju jep një ndjesi tërësisht ndryshe zëri i tij që depërton kaq pastër?
Giveon ka ardhur në këtë listë me “Like I Want You”. Gjithashtu dhe Kacey Musgraves ka sjellë hitin e saj të fundit të titulluar “Fix You”. Një tjetër surprizë gjatë javës është dhe këngëtarja Britney Spears.
Ju kujtohen kohët që ajo ishte kaq e komentuar për muzikën e saj dhe këngët e saj dëgjoheshin e ridëgjoheshin? Timeless Playlist sjell në vëmendje një bashkëpunim të sajin shumë të suksesshëm me Will.I.Am. Është pikërisht “Scream and Shout”, e cila mbizotëronte në çdo club.
E duket se tani që kujdestaria 13-vjeçare e këngëtares mbaroi, kjo këngë mund ta përfaqësonte më së miri lumturinë e saj. Mendoni se Britney mund të sjellë këngë të reja tashmë? Zbuloni më tepër këngë hite që janë përzgjedhur për ju në këtë listë…