A e dini se cila është pjesa më e bukur e kësaj playlist-e? Ne ju sjellim në kujtesë disa nga këngët më të mira të vjetra, që mbase kanë qenë rrënjosur thellë në skutat e memories suaj dhe mund të ishin lënë disi në harresë.
Për këtë kemi menduar ne. E bëmë gjithë këtë hyrje jo më kot, por për “All Out Of Love” nga Andru Donalds. Në sa e sa filma e kemi dëgjuar këtë si kolonëzanore, sa emocione mund të kemi ndjerë… Për të mos përmendur pastaj Bryan Adams me “Everything I do”. Po ju lëmë të zhyteni pak në nostalgji…
Meqë jemi tek kolonazanoret, mirëpresim gjithashtu “I ain’t worried” nga OneRepublic, nga filmi që theu rekorde shikueshmërie këtë vit, “Top Gun: Maverick”. Për ju që mund të jeni paksa të turpshëm, dërgojani dikujt “Mi Sono Innamorato Di Te” të Tiziano Ferro-s dhe ata do ta kuptojnë mesazhin… E duke kaluar pastaj tek e preferuara jonë, “Ma stasera” e Marco Mengoni-t. Kaq po ju themi dhe po ju lëmë ta shijoni.