Policia tani ka arrestuar pothuajse 50 persona të tjerë gjatë protestave në Paris, duke e çuar totalin në 120, sipas Le Figaro.
Një oficer policie u plagos gjatë një përplasje me protestuesit dhe rebelët.
Kjo përplasje mes qeverisë dhe protestuesve nisi pasi qeveria franceze vendosi të detyrojë reformat e pensioneve pa votim në parlament.
Turmat u mblodhën në Place de la Concorde në përgjigje të rritjes së moshës së pensionit nga 62 në 64.
Planet kishin ndezur dy muaj debate të nxehta politike dhe greva.
Presidenti Macron ndërmori një lëvizje të minutës së fundit për të shmangur humbjen Qeveria përdori një fuqi të veçantë kushtetuese dhe nuk kaloi reformën për votimin nga ligjvënësit.
Vendimi është marrë vetëm pak minuta para se të caktohej votimi, sepse qeveria nuk kishte garanci se projektligji do të kishte një shumicë në Asamblenë Kombëtare.
Lëvizja pritet të nxitë një mocion të shpejtë mosbesimi në qeverinë e Macronit. Politikania e ekstremit të djathtë Marine Le Pen tha se deputetët e opozitës do të ndërmarrin këtë nisme.
Sondazhet tregojnë se një shumicë dërrmuese e votuesve kundërshtojnë reformën e pensioneve, ashtu si sindikatat, të cilët thonë se ka mënyra të tjera për të balancuar llogaritë, duke përfshirë taksimin më të madh të të pasurve.
