Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Sociale

Pse ndodhin aksidentet? blutë zbulojnë shkakun fatal

Ndonëse Policia Rrugore këtë periudhë është fokusuar te parandalimi i aksidenteve, në vendin tonë këto të fundit janë të përditshme. Mosrespektimi i rregullave të qarkullimit është shkaku parësor i përplasjeve, shpesh fatale për jetën, si në rastin e sotëm në Vlorë ku viktima mbetën 4 anëtarë të një familjeje, mes tyre dhe dy fëmijë, fare të pafajshëm.

Edhe sot, blutë fajësojnë shpejtësinë e lartë të një prej automjeteve që shkaktoi aksidentin.

Policia Rrugore këtë periudhë vere ku makinat shtohen shumë në rrugë edhe si rrjedhojë e fluksit të emigrantëve apo turistëve, apelojnë që të ecet me kujdes. “Vini rripin e sigurimit, largoni telefonin dhe kurrësesi mos konsumoni pije alkoolike”.

Sa i takon rrugëve me frekuencë më të madhe aksidentesh nga statistikat rezulton se janë ato urbane ndërsa në autostrada ndodhin më pak aksidente.

Me të prekurit nga aksidentet janë drejtuesit e mjeteve dhe pasagjerët ndërsa pas nuk mbeten as këmbësorët që renditen të dytët dhe përdoruesit e motorëve dhe biçikletave. Por sa i kushtojnë aksidentet në një vit Shqipërisë.

Sipas një përllogaritjeje statistikore zyrtare, gjatë vitit 2019, kostoja sociale e aksidenteve është 105 milionë euro ose e thënë ndryshe 1 % e prodhimit të brendshëm bruto.

Në total gjatë 2019-s, periudha para pandemisë, në Shqipëri u regjistruan 1498 aksidente me 227 të vdekur.