Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Showbiz

Puna e tyre bamirëse ka fituar zemrat e miliona njerëzve, njihuni me fëmijët e këtyre yjeve!

Bota e Hollywood-it dhe famës mund të duket si diçka shumë e çuditshme dhe e largët për njerëzit e zakonshëm, por nuk mund të harrojmë se të famshmit janë gjithashtu njerëz normal, ashtu si ne. Ata e përdorin “fuqinë” e tyre për mirë dhe për të ndihmuar njerëzit në nevojë. Më e mira është se ata i mësojnë fëmijët e tyre të jenë zemërmirë gjithashtu.

Ne po ju prezantojmë me disa fëmijë të famshëm që padyshim ndjekin rolin e prindërve të tyre kur bëhet fjalë për t’u kujdesur dhe ndihmuar njerëzit e tjerë.

1. Djali i Will Smith, Jaden

Will Smith dhe Jada Pinkett Smith kanë rritur një djalë të shkëlqyeshëm pasi aktori dhe reperi, Jaden Smith, ka qenë duke luftuar betejën kundër të pastrehëve. Jaden po hap një restorant të quajtur “I love you” që do të lejojë që njerëzit e pastrehë të ushqehen shëndetshëm falas.

Ai kaloi ditëlindjen e tij të 21-të duke ushqyer të pastrehët në rrugët e Los Anxhelos-it me kamionin e tij ushqimor me të njëjtin emër. Will është një shembull i prindërimit të shkëlqyeshëm që ka formuar dikë kaq të ri, duke ndikuar që ai të zgjerojë sipërmarrjen e tij të biznesit për të qenë në gjendje të kujdeset për më tepër njerëz të cilët shpesh injorohen nga të tjerët.

2. Vajza e Stephen Baldwin, Hailey Bieber

Vajza e Stephen Baldwin, Hailey Bieber, ishte një nga shumë të famshmet që promovuan Festivalin ‘Fyre’, dhe i dhuroi të gjitha paratë që fitoi prej saj për bamirësi. Kjo nuk është e vetmja punë bamirëse e saj. Ajo mori pjesë në një mbledhje fondesh përmes ‘Unicef’ për fëmijët që kishin nevojë për kujdes mjekësor, ujë, ushqim dhe arsim.

3. Djali i Princ Charles, Princ Harry

Princi Harry dhe gruaja e tij, Meghan Markle, janë themeluesit e fondacionit ‘Archewell’ që nxit ndryshimet sistematike kulturore. Puna e tyre lartëson komunitetet lokale dhe globale dhe ata sapo njoftuan se po ndërtojnë një qendër të ndihmës së komunitetit në Indi. Princi Harry gjithashtu kaloi ca kohë në Afrikë, duke mbjellë pemë në Parkun Kombëtar Chobe me 200 fëmijë nga shkollat fillore lokale.

4. Djali i Jerry Stiller, Ben Stiller

Ben Stiller padyshim që ka një zemër prej ari dhe vepra e tij bamirëse flet vetë. Ai ka fondacionin e tij që u jep fëmijëve mundësinë për të marrë një arsimim. Ai gjithashtu ka mbështetur Agjencinë e KB për Refugjatët që nga viti 2016, ka mbështetur shumë prej projekteve dhe fushatave të tyre dhe ka përdorur zërin e tij për të mbrojtur të drejtat e refugjatëve.

Në një postim në Instagram, aktori ndau se refugjatët që takoi përmes punës së Agjencisë së Refugjatëve të KB shpesh janë në mendjen e tij. Ai vlerëson forcën, këmbënguljen dhe shpresën e tyre që ata kanë mbajtur.

5. Vajza e Kurt Russell, Kate Hudson

Kurt Russell mund të mos jetë babai biologjik i Kate Hudson, por ajo e konsideron atë një figurë babai. Dhe mund të themi me gjithë zemër se ai ka bërë një punë të mirë duke rritur Kate sepse ajo nuk është thjesht e suksesshme, por ajo gjithashtu kujdeset për njerëzit.

Aktorja është ambasadore për Programin Botëror të Ushqimit të KB, organizata kryesore humanitare në botë që lufton urinë në të gjithë botën.

6. Vajza e Jon Voight, Angelina Jolie

Vajza e Jon Voight, Angelina Jolie, është edhe një tjetër e famshme me një zemër prej ari. Ashtu si Ben Stiller, ajo ishte një ambasadore e Agjencisë së Refugjatëve të KB deri në vitin 2012 dhe ka qenë duke vizituar kampe refugjatësh duke ndihmuar njerëzit në nevojë që kur ishte në të njëzetat e saj.

Ajo dhe Stella McCartney filluan fushatën “Draw Me To Safety” krahas “War Child UK”, e cila ndihmon fëmijët në vendet e shkatërruara nga lufta. Ajo gjithashtu ka fondacionin e saj, Fondacioni “Maddox Jolie-Pitt”, i cili synon t’i japë fund varfërisë, të përmirësojë kujdesin shëndetësor, arsimin dhe të mbrojë mjedisin në vendin e Kamboxhias. Puna e saj bamirëse ka ndihmuar në ndryshimin e jetës së mbi 15,000 fëmijëve në vend.

7. Vajza e Sean Penn, Dylan Penn

Vajza e Sean Penn, Dylan, mbështeti qendrën e bamirësisë së babait të saj në vitin 2018, “Gala Seising Penn & Friends Rising”, ku u mblodhën 4 milion dollarë për organizatën bamirëse “J/P Haitian Relief Organization”.