Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Sport

Putin përgëzon Biden: Konstruktiv dhe me përvojë!

Vladimir Putin e ka quajtur homologun e tij amerikan “burrë shteti me përvojë”.

 “Ai është shumë ndryshe nga presidenti Donald Trump. Ai është një person konstruktiv, i ekuilibruar, me përvojë. E prisja këtë. Ai foli për familjen e tij dhe bisedimet që bënte me të ëmën. Këto gjëra nuk është se kanë lidhje të drejtpërdrejtë me punët tona, por tregojnë cilësitë dhe vlerat e tij. Kjo nuk do të thotë se duhet të shohim sytë dhe shpirtin e njëri-tjetrit. Ne mbrojmë interesat e shteteve tona dhe kjo bëhet me pragmatizëm”, tha Putin në konferencë.

Presidenti rus i ka quajtur bisedimet “shumë konstruktive” dhe tha se nuk mendonte se kishte ndonjë “armiqësi”.

Ai thotë se të dy palët kanë rënë dakord të kthejnë diplomatët e dëbuar nga vendet e njëri-tjetrit.

Ai gjithashtu tha që ata kishin diskutuar Ukrainën që ndoshta të bashkohej me aleancën e NATO-s – diçka që ai tha “ne e prekëm”.

I pyetur nga një reporter në lidhje me sulmet kibernetike midis Rusisë dhe SHBA, Presidenti Putin tha se ai dhe Biden ishin “angazhuar për diskutime” mbi sigurinë kibernetike.

“Ne besojmë se hapësira kibernetike është jashtëzakonisht e rëndësishme” për të dy vendet, tha ai, duke treguar një sulm të fundit ndaj një sistemi tubacioni amerikan të naftës në Teksas dhe një sulm ndaj një sistemi shëndetësor në Rusi.