Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet Politikë

“Rama 3” betohet në Presidencë!

Kryeministri Edi Rama, zv.kryeministri Arben Ahmetaj dhe 15 ministrat e kabinetit të ri u betuan sot te Presidenti i Republikës, Ilir Meta, për të nisur punën për mandatin e tretë qeverisës. Moti i keq prishi planet për ta përshkuar në këmbë rrugën drejt Presidencës. Rama mbërriti me makinë dhe u prit nga Drejtori i Kabinetit të kreut të shtetit, Edmond Panariti.

Siç e përcakton protokolli, Rama e ministrat u betuan me dorën mbi Kushtetutë e secilit, Meta i dorëzoi dekretet.

Ceremonia u zhvillua në zbatim të masave anti-COVID, pjesëmarrësit mbanin maska.

Pas largimit nga Presidenca rreth orës 10:15 minuta, Rama e pjesëtarët e kabinetit u kthyen në këmbë e në shkallët e selisë së qeverisë bënë foton e rastit.