Rama konfirmon kandidimin për deputet në qytetin e Vlorës

Nga ana tjetër duke folur nga Vlora, kryeministri Rama shprehu se do të jetë sërish kandidat për deputet qytetin bregdetar. Ai i ka dhënë fund zërave për një përballje mes tij dhe kryedemokratit Lulzim Basha për deputet në Durrës. Rama tha se do të jetë gjithmonë në Vlorë edhe kur mos të jetë më në pushtet.

“Mos hapni llafe që unë nuk do jem në Vlorë. Bëni kujdes nga çfarë dëgjoni. Le të hapësh ato portalet nëpër xhepa, aty bëhet mullar. Në Vlorë kam qenë kur nuk kam qenë kryeministër dhe do të jem edhe nëse nuk do të jem më kryeministër. Nuk do bëjnë dot aq metra sa unë kam bërë kilometra. Nuk do kem nevojë të bëjë këto kilometra por do bëj më shumë metra këtu në Vlorë se më ka lidhur fati, historia e familjes dhe dashuria për këtë bukuri të pazbuluar” , tha Rama në fjalën e tij të mbajtur nga Vlora.