Politikë

Rama në ‘Open’, flet për Këshillimin Kombëtar: Nuk është një histori bravash!

Kryeministri Edi Rama ka publikuar dje pyetjen e 12 dhe të fundit të Këshillimit Kombëtar. Një pyetësor 4 faqesh +18 vjeç ku ndodhen 12 çështje të rëndësishme për diskutim, ndërsa kujtojmë se mes tyre përfshihet edhe çështja e legalizimit të kanabisit.

Kreu i qeverisë i ftuar në ‘Open’ mbrëmjen e sotme ka folur rreth këtyre 12 çështjeve që sipas tij janë dilema për qeverinë dhe lidhen po ashtu edhe me partnerë ndërkombëtar.

Rama e quan si një ushtrim të shëndetshëm që lidh qeverinë me njerëzit për vendimmarrje konkrete, ndërsa ka ironizuar me fjalët: “Nuk është një histori bravash që a u thye brava apo u thye bishti i varesë!”

Kryeministri thotë që një prej këtyre pikave përshin edhe dilemën strategjike, siç është bllokimi që po i ndodh Shqipërisë për shkak të Maqedonisë së Veriut.

Rama: Janë çështje që janë dilema vendimmarrje për ne. Kemi një debat të brendshëm për këto çështje. Janë çështje që janë dilema që lidhen me një pozicion me partnerë të tjerë, edhe ndërkombëtar. Besoj se është një ushtrim i shëndetshëm që na lidh me njerëzit, me një vendimmarrje konkrete. Politika në fund të ditës është mundësia që i jepet njerëzve që së bashku të zgjidhim gjëra. Nuk është një histori bravash që a u thye brava apo u thye bishti i varesë!

Nuk është një referendum i kamufluar por një këshillim shoqëror, sepse në tryezën e çdo shtëpie vendosen një sërë dilemash në vendimmarrje për ecurinë e një sërë gjërash që janë të lidhura me njerëzit. Ka dilema të natyrës morale që lidhen me kategori sociale, apo në rastin e dilemave strategjike, bllokimi që i ndodh Shqipërisë për shkak të Maqedonisë. Ne nuk kemi bërë asnjë hap për shkëputjen e kërthizës me Maqedoninë. Ndoshta duhet ta bëjmë këtë hap! 99% e debatit është çfarë tha ky e çfarë tha ai, ndërkohë që jeta e njerëzve është larg atyre gjërave. Kur vjen puna te qeveria 99% është jeta e njerëzve.

Këshillimi Kombëtar/ Rama: Nuk do të nxjerrim sytë për të vënë vetulla. Ja pse vendosëm ta bëjmë anonime

Kryeministri Edi Rama ka folur në emisionin “Open” për një nga nismat e ndërmarra nga qeveria. Më konkretisht për “Këshillimin kombëtar” që është një pyetësor me 12 pyetje që i shkon çdo familje në shtëpi për tu plotësuar, ndërsa të rinjtë mund ta plotësojnë online.

Rama ka folur për këtë nismë duke thënë se është viti i parë që e aplikojnë dhe presin ta përmirësojnë çdo vit, ndërsa sqaroi se arsyeja përse vendosën ta bëjnë anonime është për shkak të skandaleve që kanë qarkulluar së fundmi për të dhënat e qytetarëve.

Edi Rama: Për këtë vit, ky është këshillimi i parë dhe natyrisht ne ka shumë gjëra që do të duhet ti kuptojmë e mësojmë nga kjo eksperiencë dhe do ta përmirësojmë vit pas viti. E kemi bërë totalisht anonime, pra asnjë lloj identifikimi të qytetarëve që do shprehen sepse sic është së fundmi në modë kjo teoria e konspiracionit të të dhënave personale, menduam se bëmë mirë që të mos e fusim këtë komponent. Zarfat që vazhdojnë të shkojnë në shtëpi janë pa emër. Zarfat të plotësohen nga të moshuarit ndërsa të rinjtë mund ta bëjnë online.

Ndër të tjera, i pyetur përse kaq shumë kohësh në pushtet kanë vendosur të pyesin popullin për çështje delikate, Rama tha “nuk do të nxjerrim sytë për të vënë vetulla” duke iu referuar faktit që nëse njerëzit janë kundër një çështje, nuk do t’i mëshojnë.

Edi Rama: Qeverisja është proces që nuk përfundon kurrë. Unë mendoj që është lajm i mirë që pavarësisht faktit që kemi hyrë në mandatin e tretë si askush më parë, jemi në kërkim të përmirësimit, në kërkim të forcimit të ujërave mes qeverisë dhe qytetarëve. Kjo do të thotë që unë asnjëherë nuk e kam dashur rutinën, gjithmonë kam pasur fobi ndaj rutinës, ndaj mosndryshimit. Sa i përket pjesës tjetër, këto janë vendimmarrje tonat, që do të thotë, nuk na mungojnë kartonat për ti marrë këto vendime, nuk na duhet një justifikim sepse nuk do të nxjerrim sytë për të vënë vetulla sepse të konstatosh që shumica e qytetarëve për një çështje është kundër dhe të shkosh pas saj kur ka një dilemë, është budallik. Kjo e forcon më tepër bindjen mbi opinione të ndryshme sepse të gjitha çështjet janë dilema vendimmarrje, nuk janë çështje ku ne duam të gjejmë justifikim apo të përdorim qytetarët.

Duke parë dhe reagimet e komentet dhe duke bërë anketimet për të kuptuar sa i intereson njerëzve një gjë e tillë dhe duke parë numrin e njerëzve që kanë plotësuar pyetësorin në kaq pak ditë pa bërë ndonjë fushatë, qytetarët e pëlqejnë. Kam vënë re në komente që qytetarët që kanë plotësuar pyetësorin, duan të bëjnë sugjerimet e tyre