Sabri Fejzullahu është një nga këngëtarët më të vjetër dhe legjendarë të Kosovës. Një artist me aq shumë vite në skenë dhe aq i suksesshëm ka qenë një frymëzim për shumë të tjerë dhe gëzon respektin e tyre.
E si një artist kaq i madh padyshim që ka krijuar te njerëzit shumë kuriozitet për të dhe portalet vazhdojnë të shkruajnë për të si ditën e parë. Edhe pse tanimë dihet se koncepti ‘fake news’ është përhapur në gjerësi, ashtu si ka ndodhur dhe rasti së fundmi me artistin ku brenda tre muajve e kanë shpallur të vdekur katër herë.
Lidhur me këto lajme të pavërteta dhe absurde ka reguar Sabri Fejzullahu me një video ku sqaron qartë se është shëndoshë e mirë.
Është hera e katërt që brenda tre muajve që po shkruhet në portale që kam vdekur, unë jam gjallë, jam shëndosh e mirë, punoj pa u ndal
Para disa muajsh, Dhurata Dora publikoi në një Instastory të sajën dy fotografi, tek njëra duket këngëtarja me Sabriun para shumë vitesh, ku Dhurata ka qenë vetëm një vajzë e vogël. Ndërsa tek fotografia tjetër sërish ata, por është një fotografi e bërë së fundmi.
Ky kolazh u shpërnda dhe nga këngëtari Sabri Fejzullahu gjë që na çoi të dyshojmë se në një të ardhme mund të kemi një bashkëpunim mes dy artistëve.
