Egnatia mbetet pa trajner. Klubi rrogozhinas ka vendosur të shkarkojë trajnerin Shpëtim Duro pas humbjes ndaj Kukësit.
Drejtuesit morën këtë vendim drastik pas rezultateve të dobëta të ekipit, ku në 5 sfidat e fundit, Egnatia mori vetëm një fitore në kampionat.
Lajmin e ka konfirmuar klubi rrogozhinas, ndërsa kanë nisur punën për të gjetur zëvendësuesin e Duros.
Shpëtim Duro nisi aventurën e tij në 18 tetor të vitit të shkuar, duke e drejtuar ekipin në 10 ndeshje, e duke regjistruar 5 fitore, 2 barazime dhe 3 humbje.
Egnatia e nisi sezonin me Edlir Tetovën, i cili drejtoi ekipin deri në javën e tetë, duke marrë vetëm 9 pikë, ndërsa tashmë largohet dhe Shpëtim Duro. Tetova u kthye në rolin e drejtorit sportiv disa ditë më parë, duke zëvendësuar Ndriçim Shtubinën, që u zhvendos si drejtues në radhët e akademisë.