Julia Fox ka marrë një vëmendje të jashtëzakonshme së fundmi për shkak edhe të raportit të shkurtër që ka patur me reperin Kanye West. Së fundmi, Julia është parë shumë e ngjashme me Julia Roberts në “Pretty Woman”. 32-vjeçarja shkëlqeu me një veshje mbresëlënëse, ku shfaqej me një fund të bardhë dhe një bluzë të shkurtër të bardhë, pa të brendshme.
Pamjen e shoqëroi me çizme të gjata të zeza me shkëlqim, doreza të gjata të zeza, teksa e kompletoi look-un me një palë syze dhe një çantë. Julia padyshim që tërhoqi vëmendjen e të gjithëve, teksa jo vetëm dukej si Roberts, por edhe më moderne dhe sensuale me atë veshje. Flokët e saj ishin të shtrirë dhe kishte një grim të lehtë në fytyrë.
Kujtojmë se Fox ishte për një kohë të shkurtër në një raport me Kanye West, ish-partnerin e Kim Kardashian. Ajo u shpreh mbi këtë raport duke pranuar se ishte tepër e vështirë të kishe një lidhje me Kanye, për shkak të famës që ai ka dhe thashethemet e shumta rreth tij së fundmi.
Megjithatë, Julia është shpreur mjaft falenderuese ndaj tij, pasi ka pranuar se fitoi një famë të konsiderueshme pas thashethemeve për marrëdhënien e tyre, diçka që e dëshironte pasi ndjeu nevojën t’i rikthehej botës artistike dhe asaj mediatike.