Deputetja e PD, Dhurata Çupi ka denoncuar sot situatën në rrugën e Arbërit, e cila është mbyllur për shkak të motit të keq.
Sipas Çupit, rruga u mbyll me policë vetëm dy muaj pas inaugurimit nga kryeministri Rama, që siç shprehet ajo gjithçka u bë për propagandë.
Sipas deputetes, në 6 mars kur do te jene edhe zgjedhjet lokale ne bashkine e Dibrës, qytetaret do t’i japin pergjigje me vote mashtrimit dhe korrupsionit.
“Rruga e Arbrit”, e inauguruar me pompozitet nga kryeministri 2 muaj më parë, ka dalë sot jashtë funksionit nga bora.
E kam denoncuar edhe më herët, që rruga u hap për propagandë. Në të vërtetë ajo është e pa mbaruar, prandaj sot shikohet si rrezik për qytetarët dhe bllokohet kalimi me polici si në shtetrrethim.
Mashtrimi i shqiptarëve dhe i dibranëvë zgjati më pak se 2 muaj. Kur rrugët jepen pa garë tek klientët e Edi Ramës, kur kontratat dhe afatet nuk respektohen, korrupsioni është para syve tanë!
Bie pak borë në Shqipëri dhe bllokohet gjithçka. Mbyllen shkollat, mbyllen dhe rrugët. Shteti i korrupsionit që ka ngritur Edi Rama del zbuluar thjesht nga një borë.
Në 6 mars dibranët kanë mundësinë e madhe ta ndëshkojnë me votë këtë qeveri të keqe që i vjedh, i izolon dhe i varfëron.
Dibranëve u duhet një bashki për vete, jo për qeverinë”, shkruan deputetja e PD.
