Donaldi dhe Beatrix janë një nga dyshet më të përfolura të “Big Brother Vip”. Dy personazhe shumë të dashur për publikun shqiptar, edhe pse raporti i tyre ka marrë sa komente pozitive aq edhe negative.
Ditën e djeshme brenda shtëpisë së “Big Brother VIP” është improvizuar një dasmë mes banorëve. Tema ka qenë një dasmë jugu dhe banorët kanë zgjedhur që çifti i dasmës duhet të jenë Donaldi dhe Beatrix. Në dasmën e organizuar brenda shtëpisë, Beatrix dhe Donald u veshën si nusja dhe dhëndrri dhe kanë improvizuar para banorëve momentin e betimit.
Mirëpo, gjithë kjo situatë nuk është pritur aspak mirë nga njerëzit, ku në komentet në rrjete sociale, dyshja janë ofenduar shumë dhe Borën e kanë cilësuar si të lënduarën prej tyre. E lidhur me gjithë këtë trekëndësh që po trazon rrjetin, kanë reaguar edhe shumë personazhe të njohur, ndër ta dhe Rudina Dembacaj.
Aktorja nuk ka zgjedhur të mbajë krahun e askujt, por ka ironizuar ata që ‘bëjnë moral’ kur ajo i njeh mirë se kush janë. Për kë nga personazhet publike që ka reaguar lidhur me këtë temë ta ketë Rudina?
Një reagim tërthorazi ka ardhur nga nëna e Beatrix, Antigona, teksa drama po vazhdon brenda dhe jashtë shtëpisë së “Big Brother”. Ajo ka shpërndarë një reagim në llogarinë e saj në Instagram, ku Antigona ka përkrahur vajzën e saj dhe sigurisht që është kundër çdo komenti negativ që thuhet për të në rrjet. Megjithatë, ende publiku është i ndarë pas romancës së Beatrix me Donaldin. Një pjesë e madhe po i kritikojnë të dy për shkak të asaj që po konsiderohet “tradhti” ndaj prezantueses Bora Zemani që pati një raport pezull me aktorin e humorit që hyri në shtëpinë e “Big Brother VIP” që nga fillimi i aventurës.
