Bota Botë e Çuditshme Travel

Sakrificat e grave shtatzëna të Jemenit, nga fshati në maternitet për 7 orë me deve!

19-vjeçarja, Mona priste që udhëtimi nga fshati i saj në maternitet do të zgjaste katër orë me deve. Megjithatë, asaj iu deshën plot shtatë orë për të arritur në vendin ku do të lindte e sigurt fëmijën e saj të parë. “Çdo hap i devesë ishte për mua një thikë”,-tha ajo. Dhe kur deveja nuk mund të vazhdonte më rrugën, gruaja shtatzënë zbriti dhe eci në këmbë pjesën tjetër të rrugës.

Mona nuk është e vetmja grua në provincën Mahwit të Jemenit që rrezikon jetën e saj për të lindur një fëmijë. Spitali Badi Saad është i vetmi institucion shëndetësor i mbetur, të cilit mijëra gra që i shërben, mbërrijnë ose në këmbë ose me deve nga fshatrat e tyre.

Kishte raste kur i lutesha Zotit që të më merrte me vete dhe të mbronte fëmijën tim që të mund të çlirohesha nga dhimbja.

Mona nuk e kujton mbërritjen në maternitet, por kujton se u mbush me shpresë dhe lehtësim kur dëgjoi britmën e parë të foshnjës së saj, të cilin ajo dhe i shoqi e quajtën Jarrah, emrin e mjekut që e ndihmoi të lindte.