Kryesia vendos të përjashtojë përgjithmonë nga Partia Demokratike, Sali Berishën dhe 7 anëtarë të Komisionit të Rithemelimit, të ngritur në Kuvendin Kombëtar të thirrur nga ish-kryetari më 11 dhjetor 2021.
Bashkë me Berishën, të përjashtuarit e tjerë janë Flamur Noka, Bujar Nishani, Albana Vokshi, Edmond Spaho, Arben Ristani, Klevis Balliu e Keltis Kruja.
Dje, kryetari Lulzim Basha mblodhi Kryesinë e PD-së, dy ditë pas protestës së 8 janarit, që përfundoi në përplasje, në përpjekjen e mbështetësve të Berishës për të rimarrë selinë e PD-së. Mbledhja e Kryesisë filloi punimet në orën 19:00 për t’i përfunduar në 03:30 minuta të mëngjesit.
Gjithashtu, aty u mor vendim për pezullimin e 20 emrave të tjerë:
Agron Shehaj
Aldo Bumçi
Belind Kelliçi
Blendi Himci
Çlirim Gjata
Edit Harxhi
Edi Paloka
Eno Bozdo
Ervin Minarolli
Gent Deromemaj
Genc Pollo
Genti Strazimiri
Rigels Mucollari
Ivi Kaso
Ledina Mandia
Luan Baci
Lorenc Luka
Mimoza Hajdarmataj
Oerd Bylykbashi
Tritan Shehu
Ndërkaq, Prokuroria e Tiranës sqaroi se po vijon hetimet për protestën e 8 janarit. Deri tani ka firmosur 34 urdhër-arreste, për akuza të ndryshme, si edhe u sekuestruan pamjet filmike në të gjitha ambientet me vlerë hetimore, ndërsa u morën në pyetje personat që kanë dijeni.
Basha e Berisha pritet të merren në pyetje nga Prokuroria në cilësinë e deklaruesit, pas shfaqjes së akteve të dhunshme në protestën e 8 janarit dhe policia ndërhyri duke përdorur gaz lotsjellës.