Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Showbiz

Sandra Bullock zbulon se vuan nga stresi post-traumatik prej vitesh, që pas ngjarjes së rëndë!

Aktorja e famshme e Hollywood-it, Sandra Bullock ka rrëfyer në një intervistë të bërë së fundmi se vuan nga çrregullimi i stresit post-traumatik që prej vitit 2014 për shkak të një vjedhjeje që ndodhi në vilën e saj në Bel Air. Sandra Bullock tha se durimi i situatave stresuese të njëpasnjëshme ndikoi në trupin e saj dhe e bëri atë të frikësohej se do të vdiste.

Bullock u shfaq në episodin e fundit të “Red Table Talk”, i cili u publikua të mërkurën. Gjatë diskutimit të saj me mikpritësit Jada Pinkett Smith, Willow Smith dhe Adrienne Banfield-Norris, aktorja fituese e çmimit Oscar tha se përdori terapinë e desensibilizimit të lëvizjeve të syve dhe ripërpunimit (EMDR) për t’u shëruar pasi një përndjekës hyri në shtëpinë e saj ndërsa ajo ishte brenda.

Bullock tha se ajo nuk ishte e njëjta pas ngjarjes traumatike dhe e quajti EMDR, e cila përdoret për të ndihmuar njerëzit me trauma dhe çrregullime të stresit post-traumatik, më shëruese. Gjatë intervistës në “Red Table Talk” aktorja tha që ndihej me fat që djali i saj i adoptuar, Luis nuk kishte qenë në shtëpi me të natën që ngjarja kishte ndodhur.

Ndodhi një natë kur dadoja do të largohej dhe më tha: “Më lejo ta marr djalin në apartamentin tim që ndodhet në rrugicën ngjitur sepse kthehesh vonë”. Nëse do të kishte qenë në shtëpi do të kisha vrapuar për te dhoma e tij, që tashmë është kthyer në dollapin tim dhe fati ynë mund të kishte ndryshuar përgjithnjë.

Aktorja tha se kishte ankth ekstrem dhe përjetoi një zbulim për veten gjatë një seance EMDR.

Kur dola nga ajo, kuptova se e kam rrethuar veten shpesh me njerëz dhe situata të pasigurta. Nuk kam askënd tjetër për të fajësuar përveç vetes, sepse kjo ishte ndjenja më e njohur që kisha. Në atë udhëtim EMDR, më duhej të merrja pronësinë e gjithçkaje që bleva në botën time, sepse ndihesha rehat dhe kuptova se nuk kishte më vend.

Personi që hyri fshehurazi në shtëpinë e Bullock u arrestua po atë natë në vilën e saj, u dënua me burg dhe vite më vonë kreu vetëvrasje gjatë një përplasjeje me policinë.

Rikujtojmë se, aktori i njohur kanadez Keanu Reeves dhe aktorja Sandra Bullock, fillimisht u takuan me njëri-tjetrin në xhrimet e filmit “Speed” në vitit 1994 dhe kanë mbetur miq të ngushtë që atëherë. Ndërkohë që ka folur për miqësinë e tyre, Sandra tregoi detaje nga një gjest romantik që Keanu ka bërë për të. Bukuroshja ka treguar se një vit pasi filmi “Speed” u publikua, gjatë kohës që ajo po shoqërohej me aktorin dhe po bisedonin ajo i kishte thënë se nuk kishte pirë kurrë shampanjë dhe nuk kishte provuar kurrë tartuf. Dhe vetëm pak ditë më vonë, Keanu shkoi në shtëpinë e saj me motoçikletë dhe në dorë mbante një tufë me lule, shampanjën dhe tartufët.