Nëse ju kanë pyetur ndonjëherë se “çfarë shenje horoskopi jeni” gjatë takimit të parë, tani do të mësoni se e kanë patur një arsye. Ka disa çifte të zodiakut që nuk shkojnë fare me njëri-tjetrin. Kombinimet më të këqija i gjeni në vijim, megjithatë nëse fiksimi juaj ka pikërisht këtë shenjë, provojeni, por kini parasysh çfarë do të lexoni këtu…
Dashi dhe Gaforrja
Dashi impulsiv dhe energjik ka nevojë për një partner optimist që të ndjekë rrymën me ta. Gaforrja nuk ka asnjë nga këto cilësi dhe bashkë ndonëse në dukje kompesojnë njëri-tjetrin do të formonin një çift goxha dramatik. Gaforrja e ndjeshme ka nevojë për siguri dhe një partner të parashikueshëm që ta bëjë të ndihet mirë, por kjo kërkon shumë durim nga ana e një Dashi i cili është gjithnjë në kërkim të aventurës, tensionit dhe emocioneve të reja.
Demi dhe Shigjetari
Këta të dy duan gjëra krejt të ndryshme nga jeta. Thënë këtë, lidhja bëhet paksa e vështirë për një Shigjetar dhe një Dem. Këta të fundit kërkojnë siguri dhe jetë të rehatshme e ndërsa Shigjetari është lindur për të qenë i lirë, pa zinxhirë që do ta mbanin të mbërthyer, qofshin këto edhe të mira materiale.
Binjakët dhe Akrepi
Binjakëve ju pëlqen t’i mbajnë gjërat gjithmonë në dritë dhe interesante. Thënë këtë, nuk është surprizë që shpesh interesohen dhe janë të dhënë pas Akrepit që i intrigojnë me pasionin dhe misterin që fshehin. Gjithsesi mes tyre ka një ngërç emocional që shpesh i ndalon të funksionojnë si çift. Ndërkohë që një Binjak do të luajë gjatë gjithë kohës, Akrepi do thellësi emocionale dhe padashur bëhet posesiv për natyrën flirtuese të partnerit.
Gaforrja dhe Ujori
Siç e thamë, Gaforrja ka nevojë për shumë siguri në një raport romantik, por Ujori duke qenë aq i pavarur sa është e ka të pamundur ta garantojë këtë. Ata janë gjithmonë në lëvizje dhe duke parë përpara se çfarë po ndodh me botën. Kjo do t’ia vështirësonte shumë punën një Gaforreje.
Luani dhe Akrepi
Për një Luan dhe një Akrep lidhja ka konflikte, shumë konflikte. Akrepi e sheh Luanin si të përqendruar vetëm tek vetja kurse nga ana tjetër një Luan e ka thuajse të pamundur të kuptojë qëllimet e Akrepit.
Virgjëresha dhe Shigjetari
E shohin jetën shumë ndryshe, gjë që do t’jua vështirësonte marrëdhënien. Një shenjë me këmbë në tokë si Virgjëresha, aq e organizuar dhe e orientuar ndaj detajeve do ta kishte të vështirë të qëndronte gjatë me një Shigjetar që ka prioritet emocionet, aventurën dhe dëshirën për të mos u mërzitur kurrë.
Peshorja dhe Bricjapi
Një lidhje mes tyre do të ishte goxha sfiduese. Një Bricjap motivohet nga puna, statusi, arritja e objektivave, e ndërsa Peshorja është shumë e interesuar për marrëdhëniet ndërpersonale dhe ato shoqërore.
Akrepi dhe Peshorja
Problemi më i madh i Akrepit në një lidhje është natyra xheloze. Nga ana tjetër, Peshorja flirtuese do t’ia nxirrte në pah shumë shpejt këtë tipar dhe ja ku është problemi. Ky kombinim e ka të pamundur të shohë në thellësi të njëri-tjetrit.
Shigjetari dhe Bricjapi
Shigjetarët e urrejnë të ndihen të ngecur në një lidhje. Ata janë shpirtra të lirë dhe duan shumë liri dhe kohë të kaluar me veten për t’u ndjerë të lumtur. Bricjapi nga ana tjetër vepron me logjikë dhe nderon traditat, gjë që i bën të mos jenë në të njëjtën linjë.
