Serena Williams pavarësisht ndarjes së saj të fundit nga trajneri Patrick Mouratoglou, është e etur për t’u rikthyer në Wimbledon në qershor. Williams, nuk ka luajtur që nga largimi i saj zhgënjyes në raundin e parë në SW19 vitin e kaluar dhe u ndalua nga konkurrimi në Australian Open në fillim të vitit 2022 për shkak të një dëmtimi.
Thashethemet në lidhje me të ardhmen e saj në tenis u zmadhuan këtë javë pasi Mouratoglou, i cili ka trajnuar Williams që nga viti 2012, filloi një marrëdhënie pune me rivalen Simona Halep, të paktën afatshkurtër. Por kjo nuk do ta pengojë lojtaren më të dekoruar të femrave nga përpjekjet për të fituar titullin e tetë të Wimbledon, mesa duket.
Duke postuar në Instagram të enjten, 23-herë kampionia kryesore u tha ndjekësve të saj se synon të paraqitet në Londër. Kujtojmë se në fillim të kësaj jave Serena Williams dhe vajza e saj Alexis pozuan në një post në Instagram për të treguar veshjet e tyre të njejta ndërsa ishin në një ambient luksoz. Ylli i tenisit dhe 4-vjeçarja pozuan me veshjet e tyre rozë për më shumë se 14.5 milionë ndjekësit e Serena.
Së fundmi, Serena ka qenë në qendër të vëmendjes për shkak të filmit që u bë për jetën e saj, të Venus, dhe të babait të tyre. Pak javë më pare, Will Smith dhe ikonat e tenisit morën pjesë në gala për nder të filmit “King Richard”, në të cilin Smith luan si babai i Serenës dhe Venusit, Richard Williams, në Fairmont Century Plaza në Los Angeles.
