Parku Kombëtar i Prespës prej tre ditësh ndodhet nën pushtetin e flakëve.
Zjarri ka rënë në kufi me shtetin grek ndërkohë që është duke u punuar nga ana e zjarrfikëses se Pustecit dhe forcave vullnetare të kësaj bashkie.
Ndërhyrja është e vështirë pasi zjarri ndodhet në majën e malit “Ostoja”, vendi i quajtur Piramida 10 në kufi me Greqinë.
Deri me tani raportohet se situata vijon të jetë problematike megjithatë ende nuk është kërkuar ndërhyrja nga ajri.
Bimësia që po digjet janë shkurre. Nuk dihet ende sipërfaqja e përfshirë nga zjarri.
Ndërkaq një tjetër vatër zjarri është aktivizuar këtë pasdite në fshatin Suhë të Bashkisë Libohovë, në Gjirokastër.
Mësohet se flakët po përhapen me shpejtësi, si pasojë e erës. Ndërkohë, forcat zjarrfikëse të Libohovës, Dropullit dhe nga Drejtoria e Gjirokastrës janë nisur drejt vendngjarjes, për të punuar në shuarjen e flakëve.
