Të shtëna me armë zjarri në Indianapolis të Shteteve të Bashkuara, raportohet për 8 të vrarë dhe disa të plagosur. Dëshmitarët thanë se dëgjuan të shtëna në një objekt të kompanisë së shërbimeve postare FedEx. Sipas tyre ishte një person i armatosur, i cili më pas vrau veten.
Policia amerikane doli me një njoftim zyrtar paraprak:
Ne lokalizuam tetë persona me plagë me armë zjarri, të cilët janë shpallur të vdekur në vendin e ngjarjes. Disa të tjerë u dërguan në spital me lëndime.
FedEx tha se kompania është në dijeni për të shtënat dhe se po bashkëpunon me autoritetet. Më tej nënvizoi se “siguria është përparësi” për të.
Ndërsa vijojnë hetimet rreth ngjarjes, ligjvënësi demokrat Andre Carson, i cili përfaqëson Indianapolisin tha se lutet për të gjithë të prekurit nga tragjedia. Carson bën të ditur se po komunikon me autoritetet lokale për të mësuar të gjitha detajet rreth tragjedisë.
I am heartbroken by the mass shooting at the FedEx facility here in Indianapolis and praying for all affected by this tragedy. I am communicating with local authorities to get all details of the attack and my office stands ready to help everyone affected any way we can.
— André Carson (@RepAndreCarson) April 16, 2021
Javët e fundit, në Shtetet e Bashkuara kanë ndodhur disa sulme të ngjashme. Më herët këtë muaj, si edhe në mars, 23 njerëz u vranë në Kolorado, Xhorxha e në Karolinën e Jugut.