Aktualitet

Shemben gurët, bllokohen tre fshatra në Kukës/Rrezikohet izolimi për Vitin e Ri!

Një shembje masive gurësh ka bllokuar rrugën në njësinë administrative Grykë-Çaje në Kukës. Për pasojë tre fshatra me rreth një mijë banorë kanë mbetur të bllokuar e nuk kanë asnjë komunikim me pjesën tjetër të Kukësit.

Raportohet se shembjet ndodhën pasditen e djeshme, rreth orës 18.00 dhe deri me tani nuk është ndërhyrë për lirimin e rrugës. Banorët shpresojnë që të mund të lëvizin drejt Kukësit sa me shpejt e jo të festojnë të izoluar natën e ndërrimit të viteve.