Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet Politikë

“Shqipëria i ka plotësuar kushtet”, Soreca i dorëzon Ramës progres-raportin e KE: Konferenca të mbahet sa më shpejt.

Ambasadori i Bashkimit Europian në Tiranë, Luigi Soreca i ka dorëzuar sot zyrtarisht kryeministrit Edi Rama, Progres-Raportin e Komisionit Evropian për Shqipërinë.

Soreca theksoi se raporti konfirmon se “Shqipëria i ka përmbushur kushtet dhe se konferenca e parë ndërqeveritare duhet të ndodhë sa më shpejt të jetë e mundur, para mbarimit të vitit. Shtyrjet apo vonesat do të kenë një ndikim negativ për besueshmërinë e BE.”

Po ashtu Soreca theksoi se Shqipëria ka bërë përparim sa i takon sundimit të ligjit, duke theksuar në veçanti Reformën në Drejtësi dhe Vettingun.

Janë dhënë merita Shqipërisë aty ku i takojnë meritat dhe janë vërejtur ato ku duhet bërë më shumë punë. Shqipëria ka bërë përparim në reformat që lidhen me BE. Raporti përcakton se Shqipëria i ka përmbushur kushtet që i ka caktuar Këshilli. Ne theksojmë se Konferenca e parë duhet të mbahet sa më shpejt, deri ën fund të këtij viti.
Në fushën e sundimit të ligjit raporti tregon se rezultatet konkrete ka pasur. Shqipëria ka bërë përparim në luftën kundër korrupsionit, duke krijuar trupa të reja në zbatimin e ligjit. Ka marrë pjesë aktive dhe në operacione ndërkombëtare. Kjo punë duhet të vijojë, duhet një bilanc i zbatimit të ligjit. Në Raport thuhet se Shqipëria është 100% në përputhje me politikën e jashtme të BE.
Po ashtu, më lejoni që të flasë për një cështje që ka shqetësime dhe duhet shprehur. Një prej tyre është liria e fjalës, e lirisë s shprehjes. Fushata baltosje dhe veprime kundër gazetarëve nuk duhet të vazhdojnë. Duhet pasur pavarësi në rregullatorin e medias. Vetërregullimi i mediave online duhet të sigurohet. Parlamenti dhe Qeveria duhet të angazhohen për ndryshime në ligjin e medias, në përputhje me legjislacionin e BE. Një tjetër çështje është ajo që lidhet me pakicat. Ne po e ndjekim këtë. Komisioni është i mendimit që ka ardhur koha tashmë për të patur Konferencën e parë ndërqeveritare para fundit të vitit, u shpreh Soreca.