Me fitoren si të vetmin objektiv, Shqipëria përballet sot me Bjellorusinë në “Air Albania”. Suksesi në takimin që nis të luhet pas një ore do t’i garantonte Kombëtares Kuq e Zi vendin e parë në Grupin 4 të Ligës C, si dhe ngjitjen në atë B kur të zhvillohet edicioni i ardhshëm i Ligës së Kombeve, krahas shumës 1.125 milionë euro.
Për shkak se rezultoi me COVID, Elseid Hysaj do të mungojë ashtu si dhe Strakosha, Kumbulla, Sadiku, Broja e Abrashi, ndonëse ky i fundit i skualifikuar. Përballja e orës 16:00 me bjellorusët do të transmetohet live në ekranin e Supersport. Ndërkaq, kujtojmë se në ndeshjen e para dy muajve, Shqipëria fitoi me rezultatin 2-0 falë golave të Cikalleshit dhe Bares.