Një 38-vjeçar shqiptar është arrestuar gjatë një operacioni të Gardës Civile spanjolle në zonën Camino de Turillas, të komunës Jayena. Ai është gjetur brenda një sere gjigande ku kultivoheshin 8,000 bimë marijuanë, që janë asgjësuar përmes djegies.
Ky operacion shënon numrin më të madh të bimëve të kanabisit që janë sekuestruar në provincën e Grandas gjatë 2023.
Në momentin kur ndërhynë agjentët e policisë, pranë shqiptarit të arrestuar ndodheshin edhe dy persona të tjerë që ia dolën të arratiseshin.
Por Garda Civile është në gjurmët e tyre dhe nuk përjashtohet mundësia e arrestimit së shpejti.
