Fatkeqësisht ka ndërruar jetë në moshën 24-vjeçare reperi i njohur, Lil Keed. Vdekja e muzikantit u konfirmua për Complex dhe XXL nga një përfaqësues i artistit me bazë në Atlanta. Shkaku i vdekjes nuk është zbuluar ende. Vëllai i Lil Keed, Lil Gotit, gjithashtu konfirmoi vdekjen e tij në një postim të shpërndarë në Instagram.
Në një foto të tij dhe të vëllait të tij të ndjerë, ai ka shkruar se:
Nuk mund të besoj që të pashë të ndërroje jetë sot, vëlla, është e vështirë për mamin, babin, vëllezërit tanë Naychur dhe Whiteboy.
Reperi sipas një biografie në faqen e internetit të YSL nënshkroi me ‘Young Stoner Life Records’ në 2018 pasi një nga mixtape-t e tij u vu re nga Young Thug, i cili themeloi labelin. Artisti ishte planifikuar të performonte në festivalin e muzikës Daze in Blue në Charlotte, Karolina e Veriut, të shtunën.
