Jennifer Aniston është zakonisht një person shumë privat që nuk i fton shumë fansat në jetën e saj personale. Por të hënën në mëngjes ylli i “Murder Mystery” u shfaq në një video ku ajo ishte e qetë në rezidencën e saj në Kaliforni me qentë e saj.
Në klipin me ritme të shpejta ylli u pa duke rregulluar shtratin në shtëpinë e saj, ajo lëshoi një çarçaf mbi krevatin në dhomën me pamje moderne. Ylli u pa gjithashtu e veshur me xhinse blu dhe një bluzë ngjyrë vjollce teksa luante me qentë e saj në oborrin e pasmë. Aniston është parë gjithashtu duke pirë kafe në kuzhinën e saj.
Në një moment Aniston shihet në dhomën e saj të ndenjjes duke vendosur një disk. Ylli bleu shtëpinë e saj në Bel-Air për 21 milionë dollarë në vitin 2012 me bashkëshortin e atëhershëm Justin Theroux dhe ata bënë shumë rinovime. Ajo e mbajti shtëpinë pas divorcit.
Rezidenca ka katër dhoma gjumi. Shtëpia ndodhet në rreth 3.25 hektarë mbi Bel Air Country Club. Kjo vjen pasi aktorja tha se shpesh ka pagjumësi. Aktorja ka vuajtur nga problemet me gjumin prej dekadash dhe ka pranuar për People se shpesh shqetësohet se nuk do të arrijë të flejë, duke shkaktuar stres gjatë natës.
