Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Sociale

Si të silleni në vendin e ri të punës?!

Ju sapo filluat një punë të re, por nuk dini si të silleni në këtë ambient të panjohur? Nuk dini kur duhet të bëni shaka me shefin tuaj apo si të silleni me kolegët? Nëse keni pasiguri lidhur me sjelljen tuaj në ambientin e punës, ne mund t’ju ndihmojmë me këshillat e mëposhtme.

Qëndroni pozitiv

Ju sugjerojmë të qëndroni pozitiv edhe në momentet më të vështira në punën tuaj të re. Shefi mund t’ju qortojë herë pas here por kjo s’do të thotë se ju nuk jeni të aftë. Qëndroni pozitiv edhe në momentet delikate, pasi mos harroni ju kanë zgjedhur sepse e keni merituar.

Tregohuni të sjellshëm e bashkëpunues

Tregohuni të sjellshëm me kolegët tuaj. Edhe nëse harroni emrin e dikujt, mjafton ta pyesni përsëri me mirësjellje dhe gjithçka do të shkojë mirë. Bashkëpunoni me njëri-tjetrin, pasi qëllimi juaj është i përbashkët.

Qëndroni neutral

Bisedat për politikën, sportin dhe besimin fetar mund të jenë vërtet interesante, derisa e kalojnë kufirin. Ju sapo po prezantoheni me kolegët tuaj të rinj, ndaj nuk është momenti i duhur të argumentoni mendimet tuaja me kokfortësi.

Dëgjoni dhe mësoni

Të dëgjoni sa më shumë e të mësoni nga ata që kanë më tepër eksperiencë se ju, është zotësi dhe zgjuarsi. Ndaj ju nuk duhet të keni turp të pyesni për ato gjëra që nuk keni informacion të mjaftueshëm. Mos harroni askush nuk ka lindur i ditur.

Guxoni

Ju vërtet keni aftësi për aq kohë sa jeni përzgjedhur, por mos harroni askush s’është i pazëvëndësueshëm. Mos kini frikë të guxoni në vendin tuaj të punës, të sillni risi e ide krijuese. Është më mirë të gaboni se sa mos të guxoni aspak.