Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Siguria në Afganistan, ushtria amerikane do të lërë një kontigjent!

Shtetet e Bashkuara do të lënë një numër trupash për të ruajtur sigurinë e Ambasadës Amerikane në Kabul. Eshtë fjala për një numër më të madh se në rastet tipike të forcave që kujdesen për sigurinë e selive diplomatike. Lajmi konfirmohet nga Pentagoni. Gjithashtu, Shtetet e Bashkuara do të lënë një kontingjent ushtarësh në Aeroportin e Kabulit për të ndihmuar në mbrojtjen e këtij objekti jetik.

Zëdhënësi i Pentagonit, John Kirby deklaroi se “dhuna në Afganistan është në nivel shumë të lartë, pasi Talebanët po përpiqen të zgjerojnë kontrollin e tyre në të gjithë vendin”.

Ngjarjet në terren vendosin në pikëpyetje sinqeritetin e përpjekjeve të tyre për të qenë një pjesëmarrës i ligjshëm dhe i besueshëm në procesin e paqes. Procesi politik që çon në një zgjidhje të negociuar dhe një fund paqësor të luftimeve është e ardhmja e duhur për Afganistanin. Ne e mbështesim këtë. Kjo është politika e administratës amerikane.

Më herët, komandanti i forcave amerikane në Afganistan, gjenerali Austin S.Miller e quajti “shqetësuese” rënien e shpejtë të shumë distrikteve në duart e Talebanëve.

Kur merren parasysh veprimet në fushën e betejës ka shumë arsye për rënien e distrikteve. Kjo është shqetësuese dhe një problem që i duhet kushtuar vëmendje! Duhet të bëhen ndryshime ndërsa po bie kontrolli i këtyre distrikteve sepse ato lidhen me sigurinë e njerëzve dhe sigurinë e kryeqendrave të provincave.

Shtetet e Bashkuara janë zotuar të vazhdojnë ndihmën financiare për ushtrinë afgane, këshillimin dhe mbështetjen e operacioneve nga ajri. NATO ka thënë se do të vazhdojë trajnimin e forcave afgane në një zonë jashtë Afganistanit.