Popullariteti i Princit Harry dhe Meghan Markle në Mbretërinë e Bashkuar ka rënë në një nivel të ri përpara Jubileut Platinum të Mbretëreshës, ka zbuluar një sondazh i ri.
Çifti do të udhëtojë në Britani këtë javë së bashku me fëmijët e tyre Archie dhe Lilibet për të marrë pjesë në festimet e jubileut. Megjithatë, sondazhi i fundit nga YouGov ka treguar se popullariteti i çiftit ka rënë edhe një herë në publik, me rezultatet e popullaritetit për të dy anëtarët mbretërorë që kanë arritur nivele të reja të ulëta.
Popullariteti i Harry ka rënë me vetëm një në tre (32 përqind) që e shohin atë në një dritë pozitive krahasuar me mbi gjysma (58 përqind) që mendojnë për të negativisht. Po kështu, edhe favorizimi i Meghan ka rënë. Vetëm 23 përqind e publikut kanë një këndvështrim pozitiv për Dukeshën e Sussex-it, ndërsa dy në tre (63 përqind) kanë një pikëpamje negative.
Megjithatë, Harry dhe Meghan mbeten pozitivisht të parë mes të rinjve, por me një diferencë më të ngushtë. Rreth 42 përqind e atyre të moshës 18 deri në 24 vjeç e shohin Harry pozitivisht dhe 33 përqind e shohin atë negativisht. Kjo grupmoshë është më e ndarë në lidhje me Meghan pasi 38 përqind e shohin atë pozitivisht dhe 36 përqind negativisht.
Ndërkohë, anëtarja mbretërore më e njohur, sipas sondazhit, është Mbretëresha, me tetë në dhjetë britanikë (81 përqind) që kanë një opinion pozitiv për të, kundrejt 12 përqind që e shohin atë negativisht.
