Ministria për Evropën dhe Punët e Jashtme thotë se po ndjek me vëmendje situatën e përmbytjeve në Evropën Perëndimore, ku deri tani janë raportuar viktima në Gjermani e Belgjikë, si dhe ka dëme të konsiderueshme materiale në Holandë, Luksemburg e Zvicër.
Referuar informacioneve që përditësohen në mënyrë të vazhdueshme, Tirana zyrtare njofton:
Nuk ka asnjë raportim për shtetas shqiptarë të prekur nga situata e motit të keq!
Por për të gjithë shtetasit shqiptarë që ndodhen në Gjermani, Belgjikë, Holandë dhe Zvicër e kanë nevojë për ndihmë, Ministria për Evropën dhe Punët e Jashtme deklaron:
Të kontaktojnë me ambasadat e Republikës së Shqipërisë në numrat e emergjencës.
Për të gjithë shtetasit shqiptarë që ndodhen në Gjermani, Belgjikë, Holandë dhe Zvicër, këto numra janë:
Ambasada e RSH-së në Berlin: +49 174 8619587
Ambasada e RSH-së në Belgjikë: +32485401237
Ambasada e RSH-së në Holandë: +31616275159
Ambasada e RSH-së në Zvicër: +41774099729
Në deklaratën për mediat thuhet se “Ministrja për Evropën dhe Punët e Jashtme, Olta Xhaçka e përfaqësitë diplomatike shqiptare në këto vende janë në kontakt të vazhdueshëm me autoritetet vendase”.
