Presidentja e Kosovës, Vjosa Osmani, tha se zgjedhjet lokale do të mbahen më 17 tetor, ashtu siç ka qenë e caktuar më herët.
Osmani i bëri komentet pas një takimi me përfaqësues të partive politike për mundësinë e shtyrjes së zgjedhjeve, për shkak të situatës së rënduar pandemike.
Osmani tha se pushteti dhe opozita nuk janë pajtuar për zhvendosjen e datës së zgjedhjeve.
Vetëvendosja ishte pro, por PDK, LDK dhe AAK nuk kanë pranuar.
Lumir Abdixhiku theksoi se vullnetarisht do të bëjë vetëm 5 ditë fushatë ose fare për të mbrojtur shëndetin e qytetarëve. Edhe AAK ka rënë dakord për 5 ditë.
Po ashtu dhe kreu i PDK, Memli Krasniqi ishte për disa ditë fushatë ose fare.
