Jemima Khan, një mikeshë e ngushtë e Princeshës Diana, u tërhoq nga ndihma për të shkruar skenarin e “The Crown” të Netflix sepse sipas saj historia nuk po trajtohej me respekt apo dhembshuri siç kishte shpresuar ajo. Khan tha se asaj iu kërkua për të ndihmuar krijuesin e serialit, Peter Morgan, të shkruante skenarin e sezonit të pestë, që përfshin vitet që çuan në vdekjen e Dianës në një aksident automobilistik në Paris në 1997.
Khan, një producente filmash dhe televizioni, ishte pjesë e rrethit shoqëror të Dianës në atë kohë. Ajo kurrë nuk ka folur publikisht për miqësinë e tyre, por tha për “Sunday Times” se:
Ishte vërtet e rëndësishme për mua që vitet e fundit të jetës së mikes time të portretizoheshin me saktësi dhe dhembshuri, siç nuk ka ndodhur gjithmonë në të kaluarën.
Ato vite përfshijnë romancat e Dianës me kirurgun e zemrës Hasnat Khan dhe Dodi Fayed, djalin e pronarit miliarder të Harrods, Mohamed Al Fayed. Khan tha se sapo kishte kuptuar se historitë po shkonin në një drejtim me të cilin ajo nuk ishte dakord, ajo kërkoi që të hiqeshin të gjitha kontributet e saj dhe kërkoi që të mos kishte asnjë meritë shkrimi.
Në vitin 2019, Peter Morgan më kërkoi të bashkë-shkruaja në sezonin e pestë të “The Crown”, veçanërisht ato episode që kishin të bënin me vitet e fundit të Princeshës Diana para se të vdiste. Pasi u mendova gjatë, sepse nuk kam folur kurrë publikisht për këtë më parë, vendosa të kontribuoj. Ne punuam së bashku për skenarët nga shtatori 2020 deri në shkurt 2021. Kur marrëveshja jonë mbi skenarin nuk u respektua dhe kur kuptova se historia e veçantë nuk do të tregohej domosdoshmërisht me aq respekt apo dhembshuri sa kisha shpresuar, kërkova që të gjitha kontributet e mia hiqen nga seriali dhe unë refuzova meritat.
Rikujtojmë se, biografja mbretërore, Angela Levin, kritikoi Dukën e Sussex-it që nuk e ngriti zërin e tij për portretizimin e diskutueshëm të nënës së tij nga gjigandi i transmetimit. Kjo vjen pasi shoqja e Princeshës Diana, Jemima Khan, tërhoqi mbështetjen e saj për “The Crown” për skenarin e saj mosrespektues pasi ajo u nda me krijuesin e serialit.
