Ambasadorja e SHBA, Yuri Kim ka komentuar vendimin e qeverisë për të strehuar refugjatë afganë të kërcënuar nga talebanët në vendin e tyre.
Znj.Kim ka shpërndarë deklaratën e Komitetit për marrëdhënie me jashtë të Senatit amerikan ku përmendet dhe besa e shqiptarëve.
Pikërisht znj.Kim thotë se kur besa ka më shumë rëndësi, populli shqiptar tregon gjithmonë nder, guxim e mirësi.
Ajo shprehet krenare që SHBA e quan Shqipërinë mike dhe aleate.
STATUSI NGA AMBASADORJA E SHBA
BESA – kur ka më shumë rëndësi, populli shqiptar tregon gjithmonë nder, guxim dhe mirësi. Ne jemi krenarë t’ju quajmë mikun dhe aleatin tonë.
BESA – when it matters most, the Albanian people always show honor, courage and kindness. We are proud to call you our friend and Ally. 🇺🇸 🇦🇱 https://t.co/OS3sE263mH
— U.S. Ambassador to Albania (@USAmbAlbania) August 15, 2021
“Unë mirëpres vendimin e qeverisë shqiptare për t’u dhënë një strehë të përkohshme të sigurt atyre që ikin nga sulmet e talebanëve në Afganistan. Populli i Shqipërisë i tregon edhe një herë botës se çfarë do të thotë “BESA”. Ju keni respektin dhe falënderimet tona”, shkruan kreu i Komitetit të Senatit amerikan për Marrëdhëniet me Jashtë, senatori Robert Menendez
