A e dini se stërvitja jashtë në të ftohtë mund t’ju ndihmojë të humbni peshë më lehtësisht pasi trupi ynë djeg më shumë kalori për të mbajtur temperaturën konstante.
Ndja nëse peshorja dhe rrobat e ngushta ju kujtojnë se gjatë pushimeve dhe bllokimit ju e keni tepruar me ushqimin, dijeni që i ftohti është aleati juaj më i mirë për t’u rikthyer në formë.
Sipas një studimi të kryer nga endokrinologët e Qendrës Mjekësore të Universitetit Maastricht, nëse praktikojmë sporte në natyrë, në temperatura të ulëta, ne konsumojmë më shumë kalori, sesa kur bëjmë të njëjtën veprimtari gjatë verës ose në ambiente të nxehta.
Sipas studiuesve, i ftohti do ta detyronte trupin tonë të digjte më shumë kalori për të mbajtur një temperaturë konstante trupore.
Lënda djegëse e këtij procesi të termorregullimit është indi dhjamor, i cili aktivizohet në të ftohtë dhe fillon të konsumohet.
Studiuesit kërkuan nga një grup vullnetarësh të kalonin 10 ditë në një mjedis ku temperatura mbahej konstante rreth 15 Gradë Celcius.
Ata më pas matën konsumin e kalorive të këtyre subjekteve dhe e krahasuan atë me atë të njerëzve që kishin bërë të njëjtat aktivitete në temperatura më të rehatshme.
Përfundimi në të cilin ata arritën është se, me të njëjtin aktivitet fizik, i ftohti shkakton një konsum kalorish deri në pesë herë më të lartë se nxehtësia.
Disa vjet më parë, edhe një studim japonez arriti në të njëjtat përfundime, në të cilin disa vullnetarë u mbyllën për dy orë në ditë për gjashtë javë rresht në një mjedis në 17°C.
Prandaj i ftohti do të ishte mik i linjës. Për këtë arsye, sugjerojnë studiuesit, mbajtja e trupit në temperatura jo shumë të larta ndihmon në mbajtjen në formë.
Por gjithsesi bëni kujdes, pasi ftohja apo bronkitet mund të jenë më keq sesa disa kilogramë të tepërt.
