Health & Beauty Lifestyle

Studimi më i fundit jep lajmin e mirë për të gjithë gjumashat!

Nëse flini më shumë se 6 orë gjumë çdo natë, pesha juaj mund të ndryshojë, sipas një sprove të vogël klinike tek të rriturit mbipeshë. Studiuesit në SHBA zbuluan se njerëzit që zakonisht flinin më pak se 6.5 orë në natë, humbnin mesatarisht 270 kalori kur flinin 1 deri në 2 orë shtesë.

Reduktimi i kalorive mund t’i bëjë njerëzit të humbin rreth 12 kg pa ndryshuar dietën e tyre gjatë ditës, besojnë shkencëtarët. Disa pjesëmarrës në studim konsumuan 500 kalori më pak në ditë pasi kishin përmirësuar gjumin e tyre. Studimi nuk ishte krijuar për të parë humbjen e peshës, por studiuesit vunë re rënien e kalorive brenda dy javësh pasi pacientët ndryshuan modelet e tyre të gjumit.

Dr.Esra Tasali, nga qendra e gjumit në Universitetin e Çikagos tha se:

Nëse zakonet e gjumit të shëndetshëm mbahen për një kohë më të gjatë, kjo do të çonte në humbje peshe klinikisht të rëndësishme me kalimin e kohës.

Studimi nuk u kërkoi vullnetarëve të kufizonin dietat e tyre ose të ndryshonin rutinat e tyre të stërvitjes. Studimet e mëparshme kanë treguar se gjumi i pakët mund t’i shtyjë njerëzit të shtojnë peshë duke rritur marrjen e ushqimit. Një nga gjetjet më befasuese nga studimi është se një seancë e vetme këshillimi për gjumin mund të ndryshojë zakonet e njerëzve para gjumit mjaftueshëm për të përmirësuar sasinë e gjumit.

Ndërkaq, gjumi mund të jetë jashtëzakonisht i dobishëm për ne, trupin tonë dhe sistemin tonë imunitar, por ne mund të anashkalojmë lehtësisht pozicionin në të cilin jemi duke fjetur. Në fakt, pozicioni luan një rol të madh në cilësinë e gjumit tuaj dhe nëse po zgjoheni të lodhur, të lënduar ose me dhimbje, është koha jeni të vetëdijshëm për pozicionet e ndryshme dhe të mirat dhe të këqijat e tyre. Zbuloni më shumë në këtë link.