Butrint Imeri është një nga këngëtarët që prej vitesh po shijon një sukses të madh falë projekteve të tij muzikore, të cilat pëlqehen shumë dhe numërojnë miliona klikime.
E tashmë pushimet kanë mbaruar dhe të gjithë artistët i janë kthyer punës për sezonin të ri. Disa prej artistave kanë nisur të publikojnë këngët e tyre të reja e disa ende po punojnë për to. Butrinti para dy ditësh lansoj projektin e tij të ri muzikor, i cili titullohet “Lejla” e duket se menjëherë është pëlqyer shumë nga publiku, pasi deri më tani ka kaluar 2.4 milion klikime në platformën YouTube. Një sukses ky i pritshëm nga një artist si Butrinti. Ama ky nuk është suksesi i vetëm që këngëtari ka arritur, pasi me postimin e fundit në Instastory na ka treguar se kënga renditet e parë ndër më të dëgjuarat në Shqipëri.
Ditën e djeshme Butrinti dhe reperi i njohur, Don Xhoni, kanë publikuar në Instastory foto me njëri-tjetrin, ku dhe kanë shprehur miqësinë mes tyre tashmë prej kohësh. Ama të gjithëve u kanë lindur dyshime se mos ndoshta të dy artistët do të vijnë me një bashkëpunim të ri muzikor, gjë e cila është përfolur prej kohësh, por ende nuk kemi një konfirmim nga ta. Kujtojmë se Butrinti dhe Don Xhoni arritën të kishin një super sukses me bashkëpunimin e tyre të parë dhjetorin e kaluar me këngën, e cila titullohet “Corazon” dhe që deri më tani ka kaluar 60 milionë klikime në platformën YouTube. Shpresojmë që përsëri të dy artistët të sjellin një tjetër projekt të suksesshëm.
