Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Sulmohen me thikë dy gra në Zvicër, dyshohet për sulm terrorist

Një 28-vjeçare u arrestua në Lugano të Zvicrës pasi sulmoi dhe plagosi dy gra në një dyqan. Sulmi dyshohet se është terrorist. Njërën prej tyre tentoi ta mbyste ndërsa të plagosurën tjetër e goditi me thikë në pjesën e qafës por më pas u ndalua nga klientët. Sipas policisë franceze njëra nga viktimat është plagosur rëndë por që është jashtë rrezikut për jetë.

Autorja e dyshuar rezulton e lidhur me xhihadistët, e skeduar që tre vjet më parë nga autoritetet zviceriane. Catherine Maret, një zëdhënëse e policisë federale, tha se e dyshuara ishte e njohur për policinë dhe ishte paraqitur kohët e fundit në hetimet policore në lidhje me terrorizmin.

“Ne kemi nisur kontrollet dhe bashkë me policinë e kantonit të Ticinos po përpiqemi të kuptojmë rrethanat e sulmit, përmes të cilave ndoshta edhe do të konfirmojmë motivin”-ka thënë Maret. Ndërkaq, Kancelari austriak, Sebastian Kurz, vendi i të cilit gjithashtu pësoi sulm terrorist më herët gjatë muajit, dënoi ngjarjen në Zvicër.

Top Albania Radio