Ambasadorja amerikane në Tiranë, Yuri Kim reagoi pas takimit të mbajtur sot në Presidencë me kreun e shtetit, Bajram Begajn. Diplomatja e Uashingtonit thekson se “roli i Presidencës është thelbësor për demokracinë dhe sigurinë kombëtare të Shqipërisë”. Në një mesazh në Twitter, shkruan:
Faleminderit Presidentit Bajram Begaj për diskutimin e sotëm të çështjeve kyçe të marrëdhënieve. Roli institucional i Presidencës, në përputhje me Kushtetutën, është thelbësor për demokracinë dhe sigurinë kombëtare të Shqipërisë.
Thank you President @BajramBegajAL for today’s discussion of key issues in 🇺🇸 🇦🇱 relations. The institutional role of the Presidency, in accordance with the constitution, is essential for Albania’s democracy and national security. https://t.co/n7OUBcsQ1u
— U.S. Ambassador to Albania (@USAmbAlbania) September 29, 2022
Më herët, kreu i shtetit bëri të ditura detaje të takimit në Presidencë:
Ditën e sotme pata kënaqësinë të pres në një takim pune Ambasadoren e Shteteve të Bashkuara të Amerikës në Shqipëri, Sh.S. Znj. Yuri Kim.
Vlerësuam partneritetin strategjik, diskutuam për çështje të rëndësishme dhe fusha jetike të bashkëpunimit dypalësh si: energjia, siguria, reforma në drejtësi, sfidat aktuale globale, etj.
Përsa i përket mandatit të Shqipërisë, në Këshillin e Sigurimit, biseduam për bashkëpunimin e shkëlqyer të deritanishëm dhe shprehëm vullnetin për të vijuar bashkëpunimin e ngushtë dhe bashkërenduar qëndrimet në të ardhmen për çështje të interesit të përbashkët.
