Aktualitet

“Tap” në timon dhe me shpejtësi deri në 187km/h. Në 24 orë policia pezullon 43 patenta, arreston 8 shoferë!

Në 24 orët e fundit kanë rënë në prangat e Policisë 8 drejtues mjetesh dhe motomjetesh, ku 4 prej tyre po drejtonin pa patentë dhe 4 të tjerë ishin duke drejtuar mjetin në gjendje të dehur.

Në një njoftim për mediat, Policia bën me dije se janë pezulluar 43 patenta, 31 prej tyre për shpejtësi deri në 187 km/h, përkatësisht gjatë kontrolleve në Bypass-in e Fierit. Ndërkaq, 12 patenta të tjera janë pezulluar për shkak se shoferët po drejtonin mjetin në gjendje të dehur.

Në të gjithë vendin janë gjobitur 1898 drejtues mjetesh pasi thyen rregullat, ku 211 prej tyre janë gjobitur pasi kanë lëvizur në koristë e emergjencave e autobusëve.

Ndërkaq, 224 shoferë të tjerë janë gjobitur për parakalime të gabuara, 212 për përdorim të celularit gjatë drejtimit të mjetit, 200  për mosvendosje të rripit të sigurimit dhe 205 për shpejtësi mbi normat e lejuara. Teksa 659 drejtues mjetehs janë gjobitur për parking në vende të gabuara.

Burime zyrtare bëjnë me dije se edhe drejtuesit e motomjeteve nuk iu kanë shpëtuar kotrollrolleve të Policisë, ku 187 prej tyre janë gjobitur pasi kanë lëvizur pa kaskën mbrojtëse.

Policia apelon për drejtuesit e mjeteve që të respektojnë rregullat e qarkullimit rrugor në mënyrë që të shmangen aksidentet, si edhe ato me pasojë fatale.

Njoftimi i Policisë Rrugore

Respektoni rregullat e qarkullimit rrugor, që të arrini në destinacion🏠 të sigurt dhe me patentë në xhep, se kudo ka patrulla të lëvizshme të Policisë Rrugore, me mjete të paloguara, dronë, kamera dhe aparate fotografike.

Policia Rrugore vijon kontrollet e dedikuara 🚔 në rrugët urbane dhe interurbane në të gjithë vendin, me qëllim parandalimin e aksidenteve rrugore.

Përgjatë 24 orëve të fundit janë arrestuar në flagrancë 8 drejtues mjetesh dhe motomjetesh, nga të cilët 4 për drejtim mjeti pa leje drejtimi dhe 4 për drejtim mjeti në gjendje të dehur.

👉Janë pezulluar 43 leje drejtimi, nga të cilat 31 për shpejtësi mbi normat e lejuara (deri në 187 km/h në Bypass-in e Fierit, në sensin e lëvizjes Fier – Vlorë ) dhe 12 për drejtim mjeti nën efektin e alkoolit apo në gjendje të dehur (deri në 1.06 mg/l).

👉Janë ndëshkuar me masë administrative, në të gjithë vendin, 1898 drejtues mjetesh, për shkelje që sjellin pasoja në jetën dhe shëndetin e përdoruesve të rrugës, konkretisht:

👉Nga Policia Rrugore e Tiranës, falë edhe denoncimeve të drejtuesve të automjeteve që qëndrojnë në radhë, janë ndëshkuar me masë administrative 211 drejtues mjetesh, për qarkullim në korsi të dedikuara për mjetet e transportit publik dhe ato të emergjencës.

👉224 për parakalime të gabuara, 212 për përdorim të aparatit celular gjatë drejtimit të mjetit, 200 drejtues mjetesh për mosvendosje të rripit të sigurimit, 205 për shpejtësi tej normave të lejuara e sjellje agresive në rrugë etj.

👉Në të gjithë vendin, si rezultat i kontrolleve intensive, nisur edhe nga fakti se në shumë raste aksidentesh janë përfshirë edhe drejtues të motoçikletave, janë evidentuar dhe ndëshkuar 187 drejtues motomjetesh, për mospërdorim të kaskës mbrojtëse.

👉659 drejtues mjetesh për parkime të gabuara, duke u bërë pengesë për lëvizjen e lirë të automjeteve dhe të këmbësorëve.

Policia Rrugore apelon për të gjithë përdoruesit e rrugës që të respektojnë rregullat e qarkullimit rrugor, të mos nxitojnë për të arritur në destinacion duke kryer parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse.

Ftojmë qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional.

#MosUbejStatistike🚑

#RregullKujdesDurimDestinacion

#NeJemiAtyPerSigurineTuaj🚔