Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Horoskopi Love & Sex

Të gjithë mund të mbajnë një lidhje në distancë, por janë pikërisht këto katër shenja të horoskopit që ia dalin më mirë se kushdo tjetër!

Lidhja në distancë është mjaft e vështirë për t’u mbajtur, teksa debatet dhe keqkuptimet nxiten edhe më shumë kur çifti është në largësi. Megjithatë, me shumë përpjekje të gjithë mund t’ia dalin të ruajnë lidhjen e tyre në distancë, por duhet të dini se janë pikërisht katër shenja të Zodiakut që e arrijnë më së miri diçka të tillë.

Shigjetari

Shigjetari është një shenjë me shpirt të lirë dhe ai mund ta përballojë vërtet mirë një lidhje në distancë. Një marrëdhënie e tillë i jep shigjetarit pikërisht lirinë për të cilën ai ka kaq shumë nevojë. Gjithashtu, shigjetari i shijon udhëtimet më shumë se kushdo tjetër, ndaj një lidhje në distancë do t’i jepte atij mundësinë për të udhëtuar edhe më tepër.

Binjakët

Mjeshtër të komunikimit, binjakët kanë aftësi magjike për të ruajtur një lidhje në distancë. Ata dinë si ta nxisin komunikimin edhe psë në largësi, duke mos theksuar asnjë problem në raport. Binjakët e pëlqejnë shumë një lidhje në distancë, duke qenë se ata pëlqejnë të kenë jetën e tyre aktive, në mënyrë të ndarë nga partneri. Gjithashtu, ata shijojnë bisedat me partnerin rreth aktiviteteve të ditës, gjatë orëve të vona të mbrëmjes.

Bricjapi

Bricjapi njihet për qëndrueshmërinë dhe besnikërinë e tij në një marrëdhënie dashurore. Një bricjap nuk do ta pengonte largësia të qëndronte besnik ndaj partnerit, ndaj ai do ta menaxhonte mjaft mirë një lidhje në distancë. Bricjapi di të kalojë një kohë kualitative edhe vetëm, ndaj mungesa fizike e partnerit nuk do ta shqetësonte së tepërmi. Megjithatë, ai do t’i kushtonte partnerin në largësi disa orë gjatë ditës, të cilat me siguri do t’i shijonin që të dy.

Ujori

Ujori e vlerëson pafund pavarësinë e tij dhe kjo është arsyeja kryesore që ai do të ishtë një partner shumë i mirë në një lidhje në distancë. Ai di t’i japë kohë dhe hapësirë partnerit i cili është larg tij fizikisht, aq mirë sa di t’i përkushtohet dhe t’i japë siguri. Një ujor ruan magjinë në një lidhje në distancë duke e bërë atë interesante me supriza të ndryshmë hërë pas here. Një lidhje, së cilës emocioni dhe pasioni nuk i mungojnë padiskutim.