Të rinjtë kinezë janë të alarmuar nga lajmi se Universiteti i Shangait u ka kërkuar të gjithë kolegjeve të “hartojnë një listë” të studentëve LGBTQ+, duke siguruar informacion mbi gjendjen e tyre mendore. Lajmi bëhet i ditur nga “The Guardian”.
Një fakt shqetësues që u raportua në mediat sociale, faqe kineze por edhe Twitter, ku u publikua pamja e ekranit të direktivës në të cilën universiteti kërkon të “hetojë dhe kërkojë” studentët që janë pjesë e komunitetit LGBTQ + dhe të “gjejë informacion mbi kushtet e tyre psikologjike”, pozicionin e tyre politik, kontaktet e tyre shoqërore dhe” kërkesat përkatëse “të tjera të paspecifikuara.
Shanghai University is ordering its colleges to report whether they have any students who identify as #LGBT, according to a university notice that cites “relevant requirements.” It’s confirmed by a student and a staff member of the uni. The purpose of such order is unknown. pic.twitter.com/33hWvqwEtq
— Yaling Jiang (@yaling_jiang) August 26, 2021
Universiteti i Shangait nuk iu përgjigj kërkesave të “The Guardian” për koment, por pas disa orësh postimi u zhduk nga mediat sociale. Frika është se ky lloj informacioni mund të përdoret për të synuar studentët e identifikuar. Aq më tepër që autoritetet kineze kanë vënë në shënjestër kohët e fundit grupe feministësh dhe në përgjithësi, ekziston një klimë intolerance ndaj pakicave seksuale në vend.
Në të kaluarën, komuniteti LGBTQ + ishte shumë aktiv në kampuset universitare kineze, por vitet e fundit ai është margjinalizuar gjithnjë e më shumë. Vitin e kaluar, u njoftua mbyllja e Shanghai Pride, manifestimi i vetëm i madh i krenarisë homoseksuale.
