Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Health & Beauty

Tiparet e njerëzve të shëndetshëm mendërisht dhe gati për t’u përballur me gjithçka

Mendoni se keni kapur botën dhe dini të bëni në perfeksion çdo gjë? Edhe mund të jetë, gjithsesi për ta konfirmuar duhet të uleni pak minuta dhe të lexoni hulumtimin e mëposhtëm të ndërmarrë nga disa prej ekspertëve më në zë në botën e psikologjisë.

Madje psikologët nuk studiuan vetëm pjesën e padukshme tonën, por kanë avancuar duke krijuar edhe karaktere tip me imazhin e fytyrës sonë. Më poshtë do të gjeni të renditura disa prej tyre.

1. I shohin situatat objektivisht

Nuk ka të mirë apo të keqe, ka vetëm perceptim. Mënyra se si ne e perceptojmë një situatë ka fuqi të na ndihmojë ose të na dëmtojë. Shpesh, ne reagojmë emocionalisht, duke hedhur gjykime negative mbi një situatë, kur çelësi i kapërcimit të situatës është të parit e gjërave me objektivitet.

Mund të keni planin më të mrekullueshëm të mundur, por nëse nuk e shihni situatën qartësisht, asgjë nuk ka rëndësi.

2. Heqin dorë nga e drejta

Të gjithë meritojnë të jenë të lumtur, por nuk meritojmë një jetë pa pengesa. Kur mendon se meriton çdo gjë që dëshiron, përballja me vështirësitë e jetës bëhet e vështirë.

Njerëzit e fortë mendërisht e dinë që planet e tyre, madje dhe vetë jeta, mund të dalë nga shinat në çdo moment. Ata nuk harxhojnë energji, duke u ndjerë të harruar nga fati, kur gjërat nuk shkojnë si ata duan.

3. Të qënit i qëndrueshëm

Të jesh i fortë mendërisht, nuk do të thotë të jesh gjithmonë i lumtur, por të jesh i qëndrueshëm vazhdimisht. Qëndrueshmëria emocionale dhe aftësia për të qëndruar i qetë është një aset i vlefshëm, kur të duhet të përballesh me sfida. Fatmirësisht, qëndrueshmëria emocionale vjen me moshën.

4. Nuk presin të jenë të lumtur gjatë gjithë kohës


E vlerësojmë kaq shumë optimizmin dhe lumturinë, që janë nocione abstrakte, sa kapemi në befasi, kur na duhet të përballemi me të kundërtat e tyre.

5. Janë optimistë realistë

Njerëzit e fortë mendërisht e kanë zakon të ngrihen gjithnjë, edhe pasi rrëzohen. Në vend që të mërziten, ata kërkojnë për një zgjidhje kreative. Ata janë njerëz optimistë realistë, pasi shpresojnë si optimistët, por kanë qartësinë e pesimistëve. Kjo iu jep motivim dhe aftësinë për mendim kritik.

6. Jetojnë në të tashmen


Të qënit prezent, ju ndihmon ti shihni gjërat si janë vërtetë. Ata mund të ushtrojnë ose jo një formë meditimi, që i ndihmon të përqëndrohen vetëm në një gjë, pa sjellë bagazhe të tjera në atë situatë, duke marrë në konsideratë vetëm atë që vlen vërtetë.

7. Këmbëngulin në arritjen e qëllimeve të tyre

Këmbëngulja (më tepër se zgjuarësia, pamja e jashtme dhe shëndeti fizik) janë të vlefshme për suksesin akademik të studentit.

8. E dinë kur është koha për të hequr dorë

Një person i fortë mendërisht thotë: I provova të gjitha, tani është koha të heq dorë. Është e rëndësishme të mësoni se ju mundeni të kontrolloni vetëm veprimet tuaja, jo rezultatet e atyre veprimeve.

9. Ata e dashurojnë jetën që bëjnë

Nuk duhet thjesht t’i toleroni gjërat që ju nuk mund t’i kontrolloni, pasi mund të jenë gjërat më të mira, që mund t’ju ndodhin ndonjëherë.

Njerëzit e fortë mendërisht janë mirënjohës për pengesat, pasi ato janë vetë jeta.